Tatala aloaia se atiinae fou i Samoa mo le faaitiitia o aafiaga o nuu ma afioaga mai fesuiaiga o le tau

Nov 7, 2014

Le afioaga i le Minisita Lagolago o le Matagaluega o Punaoa Faalenatura, Afioga ia Faumuina Liuga Tiatia faapea ma le Tamaitai Pule o le Polokalame o Atinae o Malo Aufaatasi, Lizbeth Cullity ina ua maea le sainigalima i le polokalame fou. Ata: UNDP Samoa.

O le asō ua sainia ai se feagaiga o se atiinae fou I le va o le Malo Tutoatasi o Samoa ma le Polokalame o Atinae o Malo Aufaatasi. O lenei poloketi e faatupeina mai ile Vaega Tupe mo Atunuu o loo tau atiae o latou tamaoaiga (Least Developed Countires Fund, LDCF) i lalo o le Global Environment Facility, GEF. O le faamoemoe o lenei atiinae ina ia gafatia e tagata aafiaga o fesuiaiga o le tau i vaega uma ole soifuaga.

O Samoa faatasi ai ma isi atunuu atumotu e matua ogaoga aafiaga i fesuiaiga o le tau. O se faataitaiga of fesuiaiga ole tau e aofia ai  le siitia  maualuga o le tai ma iu ai ina  soloia ese ma ‘āia le tele o talafatai o atumotu ma faaitiitia ai laueleele e nofoia e tagata. O vaegatupe o le a faatino ai lenei atiinae e US$12.3 miliona. O se fesoasoani lenei mo le malo  i le faaleleia o fuafuaga faataatitia ma le faatupeina o polokalame mo le faaitiitia o aafiaga o fesuiaiga o le tau. E tusa ma le 70% o nuu ma alalafaga o lo o nofoia le talafatai o atumotu o Samoa ma o aafiaga o fesuiaiga o le tau o le a matua aafia ai le tamaoaiga o Samoa.

O le vaega lona lua o le poloketi e fesoasoani lea i nuu ma alafafaga i itumalo o Faleata ma Vaimauga  i ni auala mausali  e puipuia ai aiga ma nuu mai aafiaga  o lologa ma timuga tetele. O le a faia ni faatalatalanoaga ma nei alalafaga mo ni o latou sao i le faatinoga o le atiinae aua fuafuaga alualu i luma.

O le lona tolu o anavatau o le atiinae o le faaleleia lea o faamaumauga o mataupu i fesuiaiga o le tau mo le agai i luma o galuega a le Malo mo le lelei lautele o tagatanuu o Samoa .

“E le mafai e lo tatou atunuu ona tupu ma ola lelei vagana ua tatou faamautuina o lo o puipuia auala e ala mai ai so tatou manuia e ala lea I le lima taitaiina faatasi ma o gatasi ma faamatalaga maumaututu e uiga i fesuiaiga o le tau, e ono aafia ai vaega tau puipuiga ma le saogalemu, vai, soifua maloloina faapea ma tagata asiasi maimoa mai fafo”, o se faamatalaga lea mai le Pule Sili o le Matagaluega o Punaoa Faalenatura, Susuga Suluimalo Amataga Penaia.

“Poo a tāla lava tatou te faaaogaina  le asō aua le faaitiitia o aafiaga I le fesuiaiga o le tau, o le a mautinoa lo tatou faasaoina o le afe ma afe o tāla a taeao”, o se faaupuga lea a le Pule Sili o Tupe.

“E fiafia tele le Polokalame o Atinae o Malo Aufaatasi (UNDP) e galulue so’oso’o tauau ma le Malo o Samoa I lenei poloketi ona o le naunautaiga e atiae ai avanoa le ‘aumaua mo  ma tamaitai faapea  tupulaga talavou aemaise pisinisi laiti ina ia mafai ona uunaia taumafaiga aua le puipuiga mai aafaiga o fesuiaiga o le tau. O le a faaauau pea ona faatalatalanoa nuu ma afioaga o loo aafia ai I lenei poloketi ona e taua tele lo latou sao mo le agai I luma ole polokalame.” o se faamatalaga lea mai le tamaitai pule o le Polokalame mo Atinae o Malo Aufaatasi, Lizbeth Cullity.

Contact information

MNRE: Chief Executive Officer, Ministry of Natural Resources and Environment, Phone: +685 67200

UNDP: Mr. Mohammad Alamgir, Communications for Results Officer,  + 685 7275109/+685 23670

UNDP Around the world

You are at UNDP Samoa (Multi-country Office) 
Go to UNDP Global